Аммаҕа хоромньуну ааҕар хамыыһыйа үлэтин саҕалаата

Комментарии Общество и политика

Поделиться:

НВК САХА – Амма оройуонугар уу таһыма лаппа түстэ. Онон дьон дьиэтин-уотун көрүнэр, халаан содулун туоратар үлэтин саҕалаата.

Абаҕа нэһилиэгэр 46 дьиэ муостатыттан лаппа үөһээ ууга барда, биир олорор дьиэ бүтүннүү былдьанна. Ону таһынан 25 тэлэгэһэҕэ уу киирбит. Балысханнык кэлбит уу олус соһутта диэн олохтоох дьон кэпсиир.

Бүтэһик күннэргэ уу лаппа түһэн, олохтоохтор аны дьиэлэрин туругун көрөр-истэр, чөлүгэр түһэрэр түбүккэ сылдьаллар. Нэһилиэк иһинээҕи суолу оҥорорго эмиэ ылсаллар.

Оттон Чапчылҕан бөһүөлэгин Промкомбинат нэһилиэгэ 100 % ууга барбыта. 265 киһи суһаллык куотарга күһэллибитэ. Икки күнтэн бэттэх, дьон дьиэтин саҥа киирэн көрө, хомуна сылдьар.

Бэҕэһээҥҥиттэн хоромньуну ааҕар хамыыһыйа үлэтин саҕалаата. Маннык хамыыһыйа ууга эмсэҕэлээбит нэһилиэк аайы тэриллибитэ.

Сэрэйэн да көрдөххө, тахсыбыт хоромньу олус элбэх. Онуоха биир дойдулаахтартан эрэ буолбакка, республика араас муннугуттан көмөлөһөр баҕалаахтар бааллара санааны көтөҕөр. –ай/фа

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × два =

ЛЕНТА НОВОСТЕЙ