Аммаҕа Саха сирин норуоттарын 7-с оонньууларыгар бильярд успуорда киириэҕэ

Комментарии Спорт и культура

Поделиться:

НВК САХА – Бу сайын Аммаҕа ыытыллыахтаах Саха сирин норуоттарын 7-с оонньууларыгар аан бастакытын бильярд успуорда киириэҕэ. Спартакиада чэрчитинэн хамаанданан чөмпүйэнээт ыытыллыаҕа. Бу туһунан “Спорт Якутии” иһитиннэрдэ.

Хамаанданан чөмпүйэнээт ыытылларын туһунан оонньуулар тэрийэр кэмитиэтин бэрэссэдээтэлэ Ольга Балабкина, СӨ физическэй култуура уонна успуорт миниистирэ Иннокентий Григорьев уонна бильярд успуордун өрөспүүбүлүкэтээҕи федерациятын салайааччыта Альберт Алексеев илии баттаатылар.

Хамаанданан чөмпүйэнээт Амма сэлиэнньэтигэр от ыйын 4 күнүттэн 7 күнүгэр диэри “Фаворит” диэн бильярд кулуубар ыытыллыаҕа. Турнирга улуустартан 16 күүстээх хамаандалар кыттыахтара.

Хас биирдии хамаандаҕа үстүү спортсмен киириэҕэ: 50-тан аҕа саастаах спортсмен уонна 16-гар диэри саастаах оҕо. Балаһыанньа быһыытынан, спортсменнар төрөөбүт эбэтэр куруук олорор сирдэринэн хамаандаҕа киириэхтэрэ.

Бильярд успуордун чөмпүйэнээтэ “Пирамида – хамаанданан күрэхтэһиилэр” диэн дисциплинаҕа ыытыллыаҕа.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать + двадцать =

ЛЕНТА НОВОСТЕЙ