Амма бөдөҥ хаһаайыстыбалара ЛОРП кытта сөбүлэҥ түһэристилэр

Комментарии Экономика и сельское хозяйство

Поделиться:

НВК САХА –  Республика биир саамай улахан хаһаайыстыбатынан урукку «Амма» совхоз базатыгар тэриллибит Амматааҕы акционернай түмсүү буолар. Тэрилтэ быйылгы хомуурун 50% элбэтэр былаанннаах.

Амманы тэҥэ ЛОРП тэрилтэтин кытта Бөтүҥ, Соморсун, Болугур, Абаҕа хаһаайыстыбалара сөбүлэҥ баттастылар. Холобур, Бөтуҥнэр быйыл 520 га сиргэ бурдук, 180 га сиргэ сиилэс, сенаж, эбиэс ыһыахтара. Билигин Тюмень куораттан уоҕурдуу уонна сиэмэлэр кэлэн эрэллэр. Ыам ыйын саҕаланыыта ыһыы үлэтигэр киириэхтэрэ.

«Чэпчэки сыанаҕа сэлээркэ ылар буоллубут, бириэмэтигэр ыһыыбытын бүтэрэн бараммыт, төлөбүрүн күһүн этинэн, бэйэбит оҥорон таһаарар бородууксуйабытынан биэриэхпит. Үөрүүлээҕэ диэн кэпсэтиибин быйылгынан эрэ бүппэт, ыһыы эрэ буолбакка, эһиилгиттэн 200 тоннаҕа сайаапканы ылыахтаахпыт. Сайыҥҥы окко, күһүҥҥү хомуурга сэлээркэнэн хааччыллыахтаахпыт», – диэн «Бөтүҥ» кооперация бэрэссэдээтэлэ Дмитрий Левин кэпсиир.

Аны бу хаһаайыстыбалар өрүстээх буоланнар, ЛОРП-тан кыра паром оҥотторору туруорсубуттар. Онон аммалар улахан тэрилтэлэр көмө, тирэх буоланнар, тыа хаһаайыстыбатын үлэтэ көдьүүстээхтик барыа диэн бигэ санаалаахтар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

20 − десять =

ЛЕНТА НОВОСТЕЙ