Амма оройуонугар уу түспүтүн кэннэ дезинфекция үлэтэ ыытыллар

Комментарии Образование и здравоохранение

Поделиться:

НВК САХА – Роспотребнадзор Саха сиринээҕи дьаһалтата Амма оройуонугар ууга барбыт нэһилиэнньэлээх пууннарга уу түспүтүн кэннэ дезинфекция үлэтин ыытар. Бу үлэ туһунан Роспотребнадзор Саха сиринээҕи дьаһалтатын салайааччыта Маргарита Игнатьева ыксаллаах быһыыны-майгыны туоратар хамыыһыйа мунньаҕар бүгүн, ыам ыйын 13 күнүгэр, иһитиннэрдэ.

“Эпидемияны утары үлэ Амма оройуонугар олус үчүгэйдик тэрилиннэ. Уу түһээтин кытта нэһилиэнньэлээх пууннарга дезинфекция ыытыллар, убуорунайдары, дьаамалары барытын эмтииллэр”, – диэтэ Игнатьева.

Дьаһалта туһааннаах үлэһиттэрэ билигин Амма уонна Уус Маайа оройуоннарыгар бааллар. Кинилэр дьон уунан төһө хааччылларын, быстах олорор сирдэргэ усулуобуйа төһө тэриллэрин күүстээхтик хонтуруоллууллар. Маны таһынан, сыстыганнаах ыарыы таһымын кэтииллэр. Ууга барбыт сирдэргэ А гепатит уонна дизентерия ыарыыларын утары суһаллык вакцина туруораллар.

“Уус Маайа оройуонугар Аммаҕа ыытыллар үлэ курдук буолуоҕа. Барыта кэминэн буолуо диэн эрэнэбит”, – диэн Игнатьева эттэ.

Эрдэ этиллибитин курдук,  Саха сиригэр халаан балаһыанньатын хонтуруоллуу, ыам ыйын 14 күнүгэр дойду ыксаллаах быһыыга-майгыга министиэристибэтин салайааччы Владимир Пучков кэлиэ.

 

Источник: сайт телеканала “Якутия 24”. 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять + семнадцать =

ЛЕНТА НОВОСТЕЙ