Амма Солобуодатын 365 сылын бэлиэтээтилэр

Комментарии Общество и политика

Просмотров: 25

НВК САХА – Дириҥ силистээх-мутуктаах кырдьаҕас Амма Солобуодата бу күннэргэ 365 сылын уонна итиэннэ бурдугу ыһыы 345 сылын туолла. 1652 сыллаахха олохтоммут Солобуода күн бүгүн республикаҕа бурдук ыһыытынан дьарыктанар, сүрүн тыа хаһаайыстыбатын улууһунан биллэр. Дьоро күн сайын устата ыытыллыбыт үлэ түмүктэрин таһаардылар, Амма үлэһит дьонун чиэстээтилэр.

Үбүлүөйдээх сыл Амма бары олохтоохторугар умнуллубат кэрэ-бэлиэ түгэннэри хаалларда. Быйыл улууска Тупсарыы сыла биллэриллэн, элбэх өрөмүөн үлэтэ ыытылынна, саҥа тутуулар киирдилэр. Ол курдук Совхознай уонна Кэрэхтээх уулуссалларыгар саҥа оонньуур уонна спортивнай площадкалар үлэҕэ киирдилэр.

Бу күн Амма уулуссаларынан атыы-тутуу киэҥник барда. Баҕалаах сөбүгэр сыанаҕа оҕуруот аһын, бэйэ бородууксуйатын, аһы-үөлү атыылаһар кыахтанна. Итиэннэ дьон-сэргэ араас күрэхтэргэ кыттан, дуоһуйа сынньаннылар.

Өссө бу күн тэрилтэлэр икки ардыларыгар байдаарканан күрэх Уһун Күөлгэ ыытылынна. Хас да хамаандаттан инники күөҥҥэ Ис дьыала эр дьоно тахсан, күрэх кыайыылаахтарынан ааттаннылар.

 



Добавить комментарий

Ваш e-mail не будет опубликован. Обязательные поля помечены *

4 × 4 =