Амма, Таатта уонна Уус Маайа оройуоннарын көмө штабтара бииргэ түмсэн үлэлииллэр

Комментарии Общество и политика

Поделиться:

НВК САХА – Дьокуускайга Амма, Таатта уонна Уус Маайа оройуоннарын көмө штабтара бииргэ түмсэннэр, халаантан эмсэҕэлээбит дьоҥҥо гуманитарнай көмөнү оҥоруохтара.

Бүгүн, ыам ыйын 18 күнүгэр, Короленко уулуссатын 25 №дээх дьиэтигэр баар Амма оройуонун штабыгар уопсастыбаннай түмсүү бэрэстэбиитэллэрэ мустан, бииргэ үлэлиир сөбүлэһиигэ илии баттаатылар. Сотору кэминэн урбаанньыттар холбоһуктарын кытта халааҥҥа туһуламмыт аахсыйаны саҕалыахтара.

Бырайыак чэрчитинэн анал браслеттары атыыга таһаарыахтара, онтон киирбит үп үтүө санааланыыга барыаҕа.

Бүгүн Амматааҕы штабка хомуллубут 1 тонна таҥаһы-сабы, малы-салы Уус Алдан оройуонугар ыыттылар. Сарсын маннык көмө Тааттаҕа барыаҕа.

Кыһалҕаҕа ылларбыт дьоҥҥо үтүө санаалаахтар таҥаһынан эрэ буолбакка, харчынан эмиэ көмө оҥороллор. –ай//фа

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

18 − 7 =

ЛЕНТА НОВОСТЕЙ