Анаабырга олохтоох ыччат алмаас бириискэлэригэр үлэлии барара судургутуйда (ВИДЕО)

Комментарии Экономика и сельское хозяйство

Просмотров: 16

NVK-ONLINE.RU – Билиҥҥи кэмҥэ өрөспүүбүлүкэбит араас оройуоннарыгар промышленность биллэрдик сайдан иһэр. Анаабыр улууһугар алмаас хостуур тэрилтэ үлэтин ыыппыта номнуо 38-с сылыгар үктэннэ.

Хоту дойду олохтоохторо үрдүттэн алмаас бириискэлэригэр үлэлии барыахтарын сөп түбэһэр идэлэрэ суох буолан, үрдүк хамнастаах үлэттэн маталлар. Улуус дьаһалтата боппуруоһу судургутук быһаарарга турунан, оройуон киинигэр Сааскылаахха алмааска үлэлииргэ наадалаах идэлэргэ эдэр ыччаты үөрэттэрэр.

Промышленность балысханнык сайдар кэмигэр «Анаабыр алмаастара» аһаҕас акционернай общество номнуо Анаабыр улууһугар «Профресурс» тэрилтэ үлэһиттэрэ кэлэн, эдэр ыччаты промышленность идэлэригэр үөрэтэ сылдьаллар.

Икки нэдиэлэ устата өрөбүлэ суох 30 эдэр ыччаты проходчик, грохотовщик, горнорабочай, машинист, стропальщик идэлэригэр үөрэтэллэр. Уолаттар улахан аҥаара проходчик идэтигэр үлэлиэн баҕалаахтарын биллэрэллэр.

Онон үөрэх түмүгүнэн сөптөөх билиини ылбыт 20 киһи дуогабар быһыытынан алмаас промышленноһын бириискэлэригэр үлэнэн хааччылыахтаах.



Добавить комментарий

Ваш e-mail не будет опубликован. Обязательные поля помечены *

1 × 4 =