Биир ыйынан өрөспүүбүлүкэтээҕи «Тымныы полюһа-2019» чөмпүйэнээт ралли-рейдэтэ буолуо

Комментарии Спорт и культура

Поделиться:

НВК САХА – Кулун тутар 27-31 күннэригэр өрөспүүбүлүкэҕэ үгэс буолбут “Тымныы чыпчаалыгар айан” тэрээһин ыытыллар. Түөрт түһүмэҕинэн ыытыллар күрэхтэһиигэ уустук айаны сөбүлээччилэр кыттыахтарын сөп. Бу туһунан Дьокуускай куорат дьаһалтата иһитиннэрэр.

Бастакы икки түһүмэх Дьокуускай-Төҥүлү-Хаандыга уонна Хаандыга-Томтор хайысхаларынан ыытыллыа. Үһүс түһүмэх Өймөкөөн улууһун Томторугар түргэн айан хааччахтаммат сабыылаах тыраассаҕа буолуо. Ралли бүтэһик төрдүс түһүмэҕэ “Тымныы чыпчаала” бэстибээл парадынан түмүктэниэ. Ол кэннэ кыттааччылар төттөрү Дьокуускайга турунуохтара.

Ралли бырагырааматыгар тыраассанан айаны таһынан, нэһилиэктэргэ киирэн ааһыахтара, түмэллэри, култуура кииннэрин көрүөхтэрэ. Чөмпүйэнээт кыттыылаахтара биэс күн устата 2149 км айанныахтара.

Бэлиэтээн эттэххэ, ралли-рейдэ 2011 сыллаахтан ыытыллар. 2013 сыллаахха “Өрөспүүбүлүкэтээҕи чөмпүйэнээт” таһымы иҥэрбиттэрэ. Ити сылга өрөспүүбүлүкэ успуордун министиэристибэтин сыллата ыытыллар халандаарынай былааныгар киирбитэ. Ралли-рейдэҕэ кыттарга өрөспүүбүлүкэ массыынанан уонна мотоциклынан успуордун Федерациятын http://fams14.ru. сайтыгар суруйтарыахха сөп.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать + 12 =

ЛЕНТА НОВОСТЕЙ