Аныгыс «Азия оҕолоро» оонньуулар Кемерово уобалаһыгар ыытыллыахтара

Комментарии Спорт и культура

Поделиться:

НВК САХА – “Азия оҕолоро” норуоттар икки ардыларынааҕы кыһыҥҥы оонньуулар Кемерово уобалаһыгар ыытыллыахтара.

Норуоттар икки ардыларынааҕы оонньуулар бэрэсидьиэнин Дмитрий Глушкону кытта уобалас дэлэгээссийэтэ көрсөн, маннык быһаарыныыны ылбыттар. Бу туһунан сонуну Кемерово уобалаһын баһылыга Сергей Цивилев инстаграм ситимигэр биллэрбит диэн “Спорт Якутии” таһаарыы суруйар.

“Азия оҕолоро” күрэхтэһии Кемерово уобалаһыгар ыытыллыаҕа! Бастакы солбуйааччым Вячеслав Телегин салайааччылаах дэлээгиссийэ маны ситистэ. Кинилэр норуоттар икки ардыларынааҕы оонньуулар бэрэсидьиэнин Дмитрий Глушкону кытта көрүстүлэр. Междуреченскай, Новокузнецкай уонна Таштагол маннык хабааннаах тэрээһини ыытыахтарын сөбүн дакаастаатылар. Көҕүлээһини Арассыыйа бырабыыталыстыбатын бэрэссэдээтэлин солбуйааччы Ольга Голодец өйөөтө”, – диэн күбүрүнээтэр суруйбут.

Маныаха Кемерово уобалаһа хаһан оонньуулары ыытарын быһаара иликтэр. 2021 эбэтэр 2023 сылларга буолуон сөп. Оонньуулары хаһан ыытар туһунан оонньуулар тэрийээччилэрэ быһаарыахтара.

“Азия оҕолоро” бастакы кыһыҥҥы оонньуулар билигин Соҕуруу-Сахалинскайга ыытылла тураллар. “Саха” НКИХ, “Якутия 24” уонна “Мамонт” ханааллар быһа көрдөрүүлэри ыыталлар. Ону таһынан http://yk24.ru/sakhalin/ киирэн көрүөххэ сөп.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

12 − 3 =

ЛЕНТА НОВОСТЕЙ