Арассыыйаҕа болдьох иннинэ биир кэлим эксээмэни 23 тыһыынча киһи туттарда

Комментарии Образование и здравоохранение

Поделиться:

НВК САХА – Дойду үрдүнэн болдьох иннинэ биир кэлим эксээмэннэри кулун тутар 21 күнүттэн муус устар 11 күнүгэр диэри туттардылар. Оскуоланы урукку сылларга бүтэрбиттэр, эрдэтээҥҥи эксээмэннэрин көрдөрүүтүн тупсарааччылар, барыта 23 тыһыынчаттан тахса киһи кытынна. Маннык болдьох иннинэ туттарыы Чукотка автономнай уокуругуттан ураты РФ бары субъектарыгар ыытылынна.

Эксээмэннэри 245 пууҥҥа туттулар, 12 тыһыынчаттан тахса тэрийээччи уонна 2,2 тыһыынчаттан тахса кэтээн көрөөччү үлэлээтэ. Бары пууннарга онлайн режиминэн видео нөҥүө кэтээтилэр.

«Бэһис сылын эксээмэн дьэҥкэтик уонна чиэһинэйдик ыытылларын ситистибит. Эксээмэн кыттыылаахтара билиилэрин тургутан көрөллөр», – диэн РФ үөрэх уонна наука миниистирин солбуйааччыта Сергей Кравцов эттэ.

Болдьох иннинэ эксээмэни ордук нуучча тылыгар, математикаҕа, ону сэргэ обществознаниеҕа туттардылар.

Эксээмэн кэмигэр 67 киһи шпаргалканы уонна 106 киһи суотабай төлөпүөннэрин туһаммыттарын иһин үүрүллүбүттэр.

Биир кэлим эксээмэн ыам ыйын 28 күнүттэн от ыйын 2 күнүгэр диэри ыытыллыаҕа.  –ай//кс



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девять − 2 =

ЛЕНТА НОВОСТЕЙ