Арассыыйаҕа саамай табахсыт эрэгийиэннэр ааттаннылар

Комментарии Общество и политика

Поделиться:

НВК САХА – Арассыыйаҕа саамай элбэх табахсыт Уһук Илин уокуругар олорор. Оттон саамай аҕыйах – Хотугу Кавказ федеральнай уокуругар. Бу туһунан  “Известия” хаһыат суруйар.

Уһук Илиҥҥэ ордук элбэх киһи Чукоткаҕа табах тардар. Ол эбэтэр манна нэһилиэнньэ 48 бырыһыана табахтыыр. Магадаҥҥа күн аайы нэһилиэнньэ 41, Еврейскэй автономнай уокурукка 36 бырыһыана табахтыыр.Субу кэмҥэ Чечня нэһилиэнньэтин 2 бырыһыана, Ингушетия – 5, Дагестан – 9 бырыһыана табаҕы тардар.

Маныаха Чукоткаҕа биир хаа омук сигаретатын 170 солкуобайга, Магадаҥҥа – 140, Еврейскэй АУо – 136, Дагестаҥҥа – 153, Чечняҕа – 132, Ингушетияҕа 126 солкуобайга атыылаһаллар.

Оттон Чукотка олохтооҕо орто хамнаска 570 хаа, Чечня, Ингушетия, Дагестан дьоно 200 хаа сигаретаны атыылаһар кыахтаах.

Бэлиэтээтэххэ, Арассыыйа доруобуйа харыстабылын министиэристибэтэ табаҕы утары кэнсиэспийэни олоххо киллэриэҕиттэн, дойдуга табахсыт ахсаана 21 бырыһыан аҕыйаабыт.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × 1 =

ЛЕНТА НОВОСТЕЙ