Сыыппаранан көрдөрөр тэлэбиидьэнньэҕэ көһүү иккис түһүмэҕэ саҕаланна

Комментарии Главные новости, Общество и политика

Поделиться:

НВК САХА – Муус устар 15 күнүттэн Арассыыйа 20 эрэгийиэнэ: Москва, Подмосковье, Амур, Иваново, Кемерово, Киров, Кострома, Курган, Липецкэй, Новгород, Тюмень уобаластара, Кабардино-Балкария, Карачаево-Черкессия, Калмыкия, Мордовия, Сахалин, Ставрополье, Удмуртия, Чувашия уонна Ямало-Ненецкэй автономнай уокурук “сыыппараҕа” көһөр.

Ити түмүгэр дойдуга өссө 40 мөлүйүөн киһи бастакы уонна иккис мультиплекс 20 ханаалын босхо көрөр кыахтанар.

Тэлэбиидьэнньэ уонна араадьыйа Арассыыйатааҕы ситимин пресс-сулууспата иһитиннэрэринэн, ааттаммыт эрэгийиэннэргэ олохтоох бириэмэнэн 1881 аналоговай передатчик федеральнай ханааллары биэриини тохтотор. Аналог частотатыгар өссө нэдиэлэ устата анал приставка нөҥүө хайдах “сыыппараҕа” холбонор туһунан 12 мүнүүтэлээх үөрэтэр видеоролик көстүө.

Маны таһынан “иккис долгун” эрэгийиэннэргэ бу өттүгэр көмөнү 15 тыһыынча кэриҥэ волонтер оҥоруо. Оттон аналогынан тахса турбут эрэгийиэннээҕи ханааллар урукку эрэсииминэн үлэлэрин салгыахтара.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × два =

ЛЕНТА НОВОСТЕЙ