“Арассыыйа Бриллиантовай циркэтин” гастроллара Владивосток куоратыгар ситиһиилээхтик түмүктэннилэр

Комментарии Спорт и культура

Поделиться:

НВК САХА – Империя хищников” диэн ааттаах көрдөрүүлэринэн “Арассыыйа Бриллиантовай циркэтин” гастроллара бу баскыһыанньаҕа Владивосток циркэтигар түмүктэннилэр.

Гастроллар кулун тутар 17 күнүттэн саҕаламмыттара. Биир ый устата Владивосток циркэтин манеһыгар көрөөччүлэр эквилибристары, акробаттары, жонглердары, клоуннары, ойуун таҥастаах үҥкүүһүттэри уонна дрессировкаламмыт кыыллары: хотугу табалары, кырсалары, саһыллары сэҥээрэн көрдүлэр.

Ону тэҥэ хаһан да бэйэ-бэйэлэрин айылҕаҕа көрсүбэт кыыллар (канадскай уонна хара бөрөлөр, хаскилар, пумалар, ягуардар) биир клетка иһигэр хааллан «Империя хищников» диэн аттракциону көрдөрдүлэр.

Шоуга анаан 150 хатыламмат көстүүм, уот-күөс уонна баараҕай декорация оҥоһуллунна. 60 идэтийбит цирка уонна балет артыыстара, 35 цирковой кыыл кыттыыны ылла.

Бүтэһик сылларга “Арассыыйа Бриллиантовай цирката” аан дойду таһымыгар бэйэтин биллэрдэ. Цирка гастрольнай уонна фестивальнай улахан географиятыгар Швеция, Франция, США, Швейцария, Великобритания, Монако, Германия, Италия, Венгрия, Норвегия, Кытай уонна Арассыыйа элбэх куораттара киирэллэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

20 − тринадцать =

ЛЕНТА НОВОСТЕЙ