Аркадий Семенов: РФ бэрэсидьиэнин туһаайан этиитэ нэһилиэнньэ олоҕо тупсарыгар ананна

Комментарии Общество и политика

Поделиться:

НВК САХА – “Өлүөнэ очуостара” национальнай паарка дириэктэрэ Аркадий Семенов РФ бэрэсидьиэнэ Владимир Путин туһаайан этиитин туһунан санаатын үллэһиннэ. Кини этэринэн, бэҕэһээҥҥи туһаайан этии биир бастыҥынан буолла.

“Бэрэсидьиэн туһаайан этиитигэр ыйыллыбыт соруктар бүтүн дойду дьонун олоҕо тупсарыгар анаммыттар”, – диэтэ.

Владимир Путин РФ бырабыыталыстыбатыгар эрэгийиэннэри кытта кылгас кэм иһигэр дьон дохуотун үрдэтэргэ, элбэх оҕолоох ыалларга уонна биэнсийэлээхтэргэ социальнай төлөбүрү улаатыннарарга сорудахтаата. Ону таһынан доруобуйа харыстабылын, үөрэхтээһин уонна Уһук Илин сайдыытын таарыйда.

“Маны таһынан Владимир Путин экология боппуруостарыгар уонна экологическай өттүнэн ыраас бородууксуйаҕа болҕомтотун уурда. Оттон Саха сиригэр бу хайысха сайдар кэскиллээх. Онон бу соруктар сотору кэминэн олоххо киириэхтэрэ диэн эрэнэбин”, – диэтэ Аркадий Семенов. 

Санатар буоллахха, судаарыстыба баһылыга үгэс быһыытынан дойду балаһыанньатын сыаналаан көрөр уонна инники сыаллары хайдах ситиһиэххэ сөбүн этэр. Туһаайан этии бэҕэһээ, олунньу 20 күнүгэр, Гостинай дворга ыытыллыбыта. Тэрээһиҥҥэ Арассыыйаттан уонна тас дойдуттан 761 суруналыыс көҥүллэннэ.

“Саха” НКИХ ханаала туһаайан этиини быһа эфиргэ көрдөрбүтэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × 4 =

ЛЕНТА НОВОСТЕЙ