Арктика олохтоохторун тырааныспар нолуогуттан босхолуохтара

Комментарии Общество и политика

Поделиться:

НВК САХА – Быйыл Арктика олохтоохторо чэпчэтии быһыытынан тырааныспар нолуогуттан босхолуохтарын сөп. Бу туһунан экэниэмикэ миниистирэ  Майя данилова суруналыыстары кытта көрсүһүүтүгэр эттэ.

Санатан эттэххэ, кулун тутар ыйга Ил Дархан Айсен Николаев арктическай оройуоннар олохтоохторун өрөспүүбүлүкэ дьаһайар нолуоктарыттан (тырааныспар, баай-дуол, сир) босхолуур туһунан сокуон бырайыагын бэлэмнииргэ бырабыыталыстыбаҕа сорудахтаабыта. Бүддьүөккэ киирбэтэх үбү өрөспүүбүлүкэ боруостуохтаах диэн быһаарыллыбыта.

Сокуон бырайыага оҥоһуллубут уонна бэс ыйыгар Ил Түмэн көрүүтүгэр киириэхтээх. Бу сокуон Саха сиригэр баар бары 13 арктическай оройуоннары таарыйыаҕа.

Санатан эттэххэ, бу күннэргэ дойду бэрэсидьиэнэ Владимир Путин Арктика зонатыгар өрөспүүбүлүкэ өссө эбии 8 улууһун – Абыйы, Үөһээ уонна Орто Халымалары, Дьааҥыны, Эдьигээни, Муоманы, Өлөөнү уонна Эбээн Бытантайы киллэрэр туһунан Ыйаахха илии баттаабыта.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один + 8 =

ЛЕНТА НОВОСТЕЙ