Арктика сайдыыта – дьокутааттар уонна сенатордар болҕомтолорун киинигэр

Комментарии Общество и политика

Поделиться:

НВК САХА – Арктика нэһилиэнньэтин олоҕун тупсарыы туһунан боппуруоһа Москубаҕа ыытыллыбыт мунньахха УҺук Илин уонна Арктика дьокутааттара, сенатордара дьүүллэстилэр.

Онно бэлиэтээбиттэринэн, бу эҥээр, бастатан туран, бөдөҥ инвестиционнай бырайыактар наадалар. Балар инфраструктураны сайыннарыыга уонна саҥа үлэ миэстэтин таһаарыыга тирэх буолуохтара.

Маныаха хотугу муора суолун сайынннарыы, пуортары тутуу, ньиэп уонна таас чохтоох сирдэри туһаҕа таһаарыы киириэхтэрин сөп. Итини барытын биисинэс олоххо киллэрэригэр судаарыстыба өттүттэн өйөбүл наада.

Уһук Илиҥҥи сайдыы министиэристибэтигэр преференция тиһигин оҥороллор. Ол – нолуокка чэпчэтиилэри таарыйар. Манна сокуону таһаарар уонна ситэриилээх былаас уорганнарын кэлим үлэтэ төһүү буолуо.

Мунньах кэмигэр Жатайдааҕы судоверфь туһунан эмиэ кэпсэттилэр. Дьокуускайга маннык тэрилтэ баар буолуутун бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев толору өйүүрүн биллэрдэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

3 × один =

ЛЕНТА НОВОСТЕЙ