Арктика урутаан сайдар сирэ тэриллиэ

Комментарии Общество и политика

Поделиться:

НВК САХА – Саха сиригэр Арктика урутаан сайдар сирин сүрүн тосхоллорун бырайыага олоххо киирдэҕинэ, 27 млрд солкуобай инвестиция киирэн 1,7 тыһыынча үлэ миэстэтэ тахсыа диэн Ил Дархан Айсен Николаев Гайдаровскай форумҥа иһитиннэрдэ.

«Урутаан сайдар сир бизнес-былаана билиҥҥитэ ситэри оҥоһулла илик. Якорнай резиденнэр көрүүлэринэн, инвестиция киириитин мэктиэтигэр боппуруос элбэх. Онон бырайыагы ситэрэн-хоторон биэриэхпит», — диэн Айсен Нриколаев эттэ.

Сахабыт сирин тус хоту хайысхатынан Урутаан сайдар сир бырайыага РФ Арктикатын социальнай-экэнэмиичэскэй өттүнэн сайыннарыы судаарыстыбаннай бырагырааматын иитинэн оҥоһулунна. Онно олоҕуран, хотугулуу-илин улуустарга хорҕолдьун, көмүс, сэдэх таастар, углеводороднай сырье, таас чох хостонуоҕа, итиэннэ сэлии муоһун хомуйуохтара.

Санатан эттэххэ, Гайдаровскай форум диэн ааттаах экономика эйгэтигэр аан дойдутааҕы научнай-практическай кэмпириэнсийэ 2010 сылтан ыытыллар. Манна дойду стратегическай сайдыытын, үтүмэн үбү-харчыны хамсатар саҥа сонун бырайыактары дьүүллэһэллэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один + 8 =

ЛЕНТА НОВОСТЕЙ