Арыйаан Тютрин Польшаҕа ыытыллар турнирга киирсиэ

Комментарии Главные новости, Спорт и культура

Поделиться:

НВК САХА – Саха тустууга Арыйаан Тютрин Польшаҕа ыытыллар көҥүл тустуу норуоттар икки ардыларынааҕы турнирыгар Россия сүүмэрдэммит хамаандатыгар киирдэ. Турнир атырдьах ыйын 1 күнүттэн 4 күнүгэр диэри ыытыллыаҕа. Бу туһунан Россия тустуу Федерациятын сайтыгар этиллэр.

Көҥүл тустууга эр дьон сүүмэрдэммит хамаандатын сүрүн тренерэ Дзамболат Тедеев эппитинэн, Казахстаҥҥа ыытыллыахтаах аан дойду чөмпүйэнээтин хамаандатыгар киириэн сөптөөх сэттэ эрэ киһи Польшаҕа барыаҕа: Рамиз Гамзатов, Арыйаан Тютрин (иккиэн — 57 кг диэри), Магомедрасул Идрисов (61 кг диэри), Гаджи Набиев (79 кг диэри), Даурен Куруглиев, Артур Найфонов (иккиэн — 86 кг диэри) уонна Алан Хугаев (125 кг диэри).

Россия национальнай хамаандата иккис эрчиллиитин Сочига атырдьах ыйын 12 күнүттэн 25 күнүгэр диэри “Юг-Спорт” базатыгар ыытыаҕа.

Бастакы олимпийскай лицензиялар оонньонуохтаах аан дойду чөмпүйэнээтэ балаҕан ыйын 14 күнүттэн 22 күнүгэр диэри Нур-Султаҥҥа (Казахстан) ыытыллыаҕа.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать + два =

ЛЕНТА НОВОСТЕЙ