Атырдьах ыйын 17 күнүттэн күһүҥҥү булт кэмэ саҕаланар

Комментарии От редакции

Поделиться:

НВК САХА – Саха сиригэр күһүҥҥү булт кэмэ атырдьах ыйын үһүс субуотатыттан алтынньы 20 күнүгэр диэри уу көтөрүгэр булт көҥүллэниэ. Оттон быйыл үһүс субуота 17 чыыһылаҕа түбэһэр.

Күһүн чугаһаан, улуустарга булт квотатын түҥэтии үгэнэ. Горнайга хара тыа маанылаах кыылын бултуон баҕалаах куруутун да үгүс. Быйыл тустаах улууска уопсайа 37 таба, 22 туртас, 11 тыатааҕы уонна 18 тайах көҥүлэ тыырыллыбыт буоллаҕына, булчуттар кыылга көҥүл аҕыйах диэн этэллэр.

Оттон бу көҥүл ахсаана учуоттан быһаччы тутулуктаах. Бултуур сири сыһыаттарбыт дьон кыыл-сүөл ахсаанын ааҕар ньымаҕа алҕастары, сыыһаны таһааран, квотаттан матар түгэннэрэ эмиэ баар. Бу, биллэн турар, улууска бэриллэр көҥүл ахсааныгар охсор.

“Лимиит өрөспүүбүлүкэ үрдүнэн наһаа уларыйбат. Былырыын тайахха 2300-тэн тахса буоллаҕына, быйыл – 2100-тэн тахса. Ол аата 200-чэнэн кыччаабыт.  Туртаска 1200 буоллаҕына, билигин – 1600”, – диэтэ Экология, айылҕаны туһаныы уонна ойуур хаһаайыстыбатын миниистирин солбуйааччы Николай Додохов.

Оттон булт болдьоҕор быйыл улахан уларыйыы киирбэтэ эрээри, өр сыллаах тохтобул кэнниттэн куобахха балаҕан ыйын 15 күнүттэн көҥүл өрөспүүбүлүкэ үрдүнэн бэрилиннэ.

“Күһүҥҥү куска атырдьах ыйын 17 күнүттэн алтынньы 20 күнүгэр диэри, мас көтөрүгэр атырдьах ыйын 17 күнүттэн  ахсынньы 31 күнүгэр диэри булт көҥүллэнэр. Биир киһиэхэ 50 кус уонна 10 хаас, үс улар, 10 куртуйах көҥүллэнэр”,- диэн булт хаһаайыстыбатын уонна уратын харыстанар сир департаменын сүрүн исписэлииһэ Лера Оконешникова эттэ.

Онон бу субуотаттан ыла үгүс булчут хара тыаны кэрийбитинэн барыаҕа. Маныаха хас биирдии саалаах киһи баар эрэ диэн өлөрө-өһөрө санаммакка, Баай Байанай тугу тосхойорунан бэриһиннэриэхтээх.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × два =

ЛЕНТА НОВОСТЕЙ