Августина Филиппова быыстапкатыгар урукку уонна аныгы кэми ситимниэ

Комментарии Спорт и культура

Поделиться:

НВК САХА – Муус устар 18 күнүгэр СӨ уус-уран түмэлигэр «Иэйиэхсит бэлэҕэ» диэн модельер-худуоһунньук, М.К.Аммосов аатынан ХИФУ Педагогика институтун доцена, Арассыыйа худуоһунньуктарын Сойууһун чилиэнэ, СӨ Култууратын үтүөлээх үлэһитэ Августина Филиппова персональнай быыстапкатын үөрүүлээх аһыллыыта буолуоҕа.

Августина Филиппова аан дойдуга киэҥник биллэр таҥас дизайнера буолар. Кини кэллиэксийэлэригэр саха норуотун баай култуурата, киһи уона айылҕа алтыһыылара уратытык бэриллэр.

«Удаҕан»,«Сарыада», «Туосчаана», «Хаарчаана», «Эллэйаада» (1994) кэллиэксийэлэригэр биир таҥаска хас да интэриэһинэй кэрчиктэри түмпүтэ дизайн эстетикатын өттүнэн саҥа, ураты арыйыынан буолбуттара.

Оттон «Мифы Якутии» кэллиэксийэтэ таҥас-сап ураты кэрэтинэн, иис өттүнэн кыраҕы хараҕынан айыллыбытынан, ураты уобарастарынан дьону-сэргэни сөхтөрбүтэ. Кини үлэлэригэр дизайн идеята хас да арааһа түмүллэр, олус улахан илиинэн үлэ технологията туһаныллар: быысабайдааһын, оҕуруонан тиһии, лоскуйдарынан тиһии, түүлээҕи туһаныы.

«Саха сирин алмаастара» (2003) кэллиэксийэтигэр Августина Филиппова хотугу норуоттар көстүүмнэрин уратыларын, кинилэр үгэстэрин киллэрбитэ.

Быыстапканы муус устар 19 күнүттэн ыам ыйын 26 күнүгэр диэри Национальнай художественнай түмэлгэ ким баҕалаах кэлэн көрүөн сөп. Сиһилии 33-52-79 төл. билсиҥ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

3 × 3 =

ЛЕНТА НОВОСТЕЙ