Автобуска сиэптэн харчыны уорар киһи тутулунна

Комментарии Криминал и происшествие

Поделиться:

НВК САХА – Дьокуускайга автобуска айаннаан иһэр дьон сиэбиттэн харчыны уорар киһи тутулунна. Бу киһи итинник хас да уорууга буруйданар, диэн Ис дьыала министиэристибэтин өрөспүүбүлүкэтээҕи управлениетын пресс-сулууспата иһитиннэрэр.

Тас таҥас сиэбиттэн уонна дьахтар суумкатыттан харчылаах уонна баан карталардаах кумааһынньыктар уоруллубуттар. Бу киһи уоруунан сүрүннээн киэһээ автобуска дьон толору кэмигэр дьарыктанар эбит.

“Оперативнай-ирдиир дьаһал ыытыллыбытын түмүгэр уорууга Үөһээ Халыма улууһуттан төрүттээх  урут сууттана сылдьыбыт эр киһи кыттыгастааҕа билиннэ. Кини сокуону кэспитин билиннэ. Билигин итинник атын уорууларга кыттыгастааҕа быһаарыллар”, – диэн полиция үлэһиттэрэ эттилэр.

“Уоруу” диэн ыстатыйанан холуобунай дьыала тэрилиннэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать + три =

ЛЕНТА НОВОСТЕЙ