«Азия оҕолоро»: Хоккейга Саха сирин сүүмэрдэммит хамаандата Туркменистаны кыайда

Комментарии Главные новости, Спорт и культура

Поделиться:

НВК САХА – Саха сирин хоккей сүүмэрдэммит хамаандата Туркменистан хамаандатын 17:2 ахсаанынан кыайда.

Күрэхтэһии бастакы чааһа – 6:0, иккис чааһа 13:1 ахсаанынан түмүктэннэ.

“B” бөлөххө Саха сирин уонна Туркменистан сүүмэрдэммит хамаандалара Ураллааҕы федеральнай уокурук уонна Казахстан хамаандаларын кытта оонньууллар. УФО уонна Казахстан киирсиилэрэ олунньу 10 күнүгэр буолла. Арассыыйа спортменнара 4:0 ахсаанынан кыайдылар.

Олунньу 12 күнүгэр Саха сирин спортсменнара УФО хамаандатын кытта киирсиэ, олунньу 13 күнүгэр Казахстан сүүмэрдэммит хамаандатын утары оонньуо.

22 спортсмен Дьокуускайтан аҕа тренер Яков Сандаковка уонна Нерюнгриттан Александр Чернокнижнайга уонна Сергей Манаевка дьарыктаммыттара.

Саха сирин сүүмэрдэммит хамаандатыгар Дьокуускай, Нерюнгри уонна Серебрянай Бор бөһүөлэгин бэрэстэбиитэллэрэ киирдилэр.

Күрэхтэһии Соҕуруу Сахалинскайга “Арена-Сити” стадиоҥҥа ыытылынна.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семнадцать + 19 =

ЛЕНТА НОВОСТЕЙ