«Азия оҕолоро» оонньуулар сүрүн судьуйата Саха сирин олохтоохторун бастакы мэтээллэринэн эҕэрдэлээтэ

Комментарии Спорт и культура

Поделиться:

НВК САХА – “Азия оҕолоро” норуоттар икки ардыларынааҕы бастакы кыһыҥҥы оонньуулар сүрүн судьуйата, икки төгүллээх олимпийскай чөмпүйүөн Олег Саитов Саха сирин олохтоохторун бастакы мэтээллэринэн эҕэрдэлээтэ.

“Саха сирин биатлониһын үрдүк көрдөрүүтүттэн үөрэбин. Сүүмэрдэммит хамаанданы бастакы мэтээллэринэн эҕэрдэлиибин уонна инникитин ситиһиилээхтик кыттаргытыгар баҕарабын”, – диэтэ Саитов. 

Маны таһынан биир дойдулаахтара – Сахалин сүүмэрдэммит хамаандата хайдах кыттыбыттарыттан хомойбутун бэлиэтээтэ. Маныаха “Триумф” хайыһар, биатлон комплексата оонньуулар ыытыллыахтарын эрэ иннинэ тутуллан, эдэр спортсменнар үчүгэйдик бэлэмнэнэр кыахтара суох этэ диэн быһаарда. Ол эрээри атын дойдулар уонна эрэгийиэннэр спортсменнара үрдүк таһымнаахтарын бэлиэтээтэ.

“Азия оҕолоро” оонньууларга Саха сирин биатлониһа Николай Максимов үрүҥ көмүс мэтээли ылла. Онон өрөспүүбүлүкэ сүүмэрдэммит хамаандата бастакы наҕараадатын ситистэ. 10 км уһуҥҥа Сибиирдээҕи федеральнай уокурук спортменыгар Виктор Молчановка 24 сөкүүндэнэн хотторон, 16 саастаах Николай Максимов иккис кэллэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один + один =

ЛЕНТА НОВОСТЕЙ