«Азия оҕолоро»: Саха сирэ хоккейга УФО хамаандатыгар кыайтарда

Комментарии Спорт и культура

Поделиться:

НВК САХА – Саха сирин хоккей сүүмэрдэммит хамаандата Ураллааҕы федеральнай уокурук хамаандатыгар хоттордо. Бүтэһик суот 0:23 ахсааҥҥа тэҥнэстэ.

Ураллааҕы федеральнай уокурук бөдөҥ турнирдарга кыттарга улахан уопуттаах. Бу күннэргэ Саха сирин спортсменнара Сочига ыытыллыбыт эрэгийиэннэр Кубоктарыгар бэһис миэстэни ылбыттара. Ураллааҕы федеральнай уокурук хамаандатыгар “Металлург” (Магнитогорск), “Трактор” (Челябинск) уонна “Автомобилист” (Екатеринбург) кулууптарга оонньуур спортсменнар киирбиттэр.

Икки матч кэнниттэн Саха сирэ биир кыайыылаах (Туркменистан хамаандатын утары 17:2) уонна биир кыайтарыылаах. УФО сүүмэрдэммит хамаандата алта очукуолаах (Саха сирин уонна Казахстаны кыайбыта (4:0)) “В” бөлөххө бастакы миэстэҕэ таҕыста.

Бүгүн олохтоох бириэмэнэн 17.30 чааска “В” бөлөххө иккис киирсии буолуоҕа. Онно Туркменистан уонна Казахстан оонньуохтара.

Матч Соҕуруу Сахалинскай куоракка “Арена-Сити” стадиоҥҥа буолан ааста.

Сарсын олохтоох бириэмэнэн 17.30 чааска Саха сирин сүүмэрдэммит хамаандата Казахстан утары киирсиэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать − десять =

ЛЕНТА НОВОСТЕЙ