Бөдөҥ алмааска саха биллиилээх геологын аатын иҥэрдилэр

Комментарии Главные новости, Общество и политика

Поделиться:

НВК САХА – АЛРОСА хампаанньа Айхаллааҕы хайа-байытар кэмбинээтин 14 нүөмэрдээх паабырыката «Юбилейнай» туруупкаттан быйыл ыам ыйыгар хостообут ювелирнай хаачыстыбалаах бөдөҥ алмааһыгар Саха өрөспүүбүлүкэтигэр геология салаатын биир саамай биллэр бэрэстэбиитэлэ Петр Шишигин аатын иҥэрдилэр.

Хампаанньа пресс-сулууспата иһитиннэрбитинэн, октаэдр быһыылаах 78,74 карат ыйааһыннаах күндү таас хампаанньа бу сылга хостообут бөдөҥ алмаастарыттан биирдэстэринэн буолар.

1999-2003 сылга СӨ Геологияҕа уонна сир баайын туһаныыга судаарыстыбаннай кэмитиэтин бэрэссэдээтэлэ, Россия үтүөлээх геолога Петр Шишигин геологияҕа олоҕун 40 сылын анаабыта.

Кини аатын алмааска иҥэрэр туһунан этиини Ил Дархан Айсен Николаев киллэрэн, тустаах суругу бэс ыйын бүтүүтэ АЛРОСА хампаанньаҕа  ыыппыта.

Санаттахха, 2022 сылга бэлиэтэнэр Саха АССР төрүттэммитэ 100 сылын иитинэн «Өрөспүүбүлүкэ 100 сылыгар – 100 алмааһы!» диэн кыттыгас бырайыак саҕаламмыта. Ол чэрчитинэн саха норуотун биллиилээх дьонун аатын өрөспүүбүлүкэ сиригэр-уотугар көстүбүт бөдөҥ алмааска иҥэрэллэрэ былааннанар. Чуолаан «Интернациональнай» рудниктан көстүбүт 188 караттаах тааска Анемподист Софронов-Алампа аатын иҥэрбиттэрэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 × три =

ЛЕНТА НОВОСТЕЙ