Бүгүн өрөспүүбүлүкэҕэ Ньургуһун күнэ бэлиэтэнэр

Комментарии Главные новости, Общество и политика

Поделиться:

НВК САХА – Ыам ыйын 18 күнэ өрөспүүбүлүкэҕэ биллиилээх суруналыыс Уйбаан Ушницкай көҕүлээһининэн Ньургуһун күнүнэн биллэр.

Тоҥ буору тобулан тахсар ньургуһун уһун тыйыс тымныы кыһыннаах Саха сиригэр кэтэһиилээх саас кэлбитин туоһута буолар.

Нарын-намчы көрүөхтэн кэрэ ньургуһун хас саас аайы үүнэн, дьон сэргэ сүргэтин көтөҕөр.

Киэҥ нэлэмэн Саха сиригэр ньургуһун 4 көрүҥэ үүнэр – араҕас, фиолетовай, көннөрү ньургуһун, Турчанинов ньургуһуна, аяннааҕы, даурскай. Аяннааҕы уонна даурскай ньургуһуннар Кыһыл кинигэҕэ киирбиттэрэ.

Кэрэ көстүүтүн сэргэ ньургуһун сүһүөх, ньиэрбэ, төбө ыарыытын эмтиир. Аан дойду араас дойдутугар ньургуһун күнүн бэлиэтииллэр. Аан бастакынан Ньургуһун күнүн 1984 сыллаахха Англия бэлиэтээн саҕалаабыт.

Ньургуһуннаах сыһыыга сырыттахха, күѳмэйиҥ, түѳһүҥ барыта ырааһырар, куолаһын күүһүрэр. Салгын кут эмсэҕэлээбитэ кѳнѳр, ыарахан сүгэһэр дьайыытын суох гынар, ѳбүгэлэри кытта ситимниир. Дьахталларга ураты күүһү биэрэр диэн уйулҕа үөрэхтээхтэрэ этэллэр. Тастан киирэр куһаҕан дьайыыттан кѳмүскүүр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

одиннадцать − шесть =

ЛЕНТА НОВОСТЕЙ