Бүгүн тыа хаһаайыстыбатын үлэһитин күнэ 50-с төгүлүн бэлиэтэнэр (ВИДЕО)

Комментарии Экономика и сельское хозяйство

Просмотров: 35

NVK-ONLINE.RU – Биһиги республикабыт инники сайдыытын тутаах хайысхатыгар билигин туох сүрүн кыһалҕалар баалларын, инникитин туох сыал-сорук турарын дьүүллэһэр тэрээһиннэр күн устата ыытылыннылар.

Саха Өрөспүүбүлүкэтин итиэннэ Уус Алдан улууһун бочуоттаах олохтооҕо Михаил Готовцев 1966 сыллаахтан күн бүгүнүгэр диэри төрөөбүт дойдутугар ыанньыксытынан үлэлиир. Бүгүн киниэхэ икки бүк үөрүүлээх күн.

Маны сэргэ бу  күн республика инники сайдыытын дьүүллэһэр тэрээһиннэр ыытылыннылар. “Кооперация тыа сирин сайдыытын сүнньэ” диэн тыа хаһаайыстыбатын Министиэристибэтин мунньаҕар бүгүҥҥү күҥҥэ нэһилиэк кооперативтарын сайдыыта бытаан диэн бэлиэтээтилэр. Маны быһаарарга нэһилиэк таһымыгар кооперацияны сайыннарар үлэ тэтимнээхтик барыахтааҕын, бородууксуйаны батарарга ситим олохтонуохтааҕын тоһоҕолоон эттилэр.

Оттон тыа хаһаайыстыбатын Министиэристибэтэ сыллааҕы түмүктэрин таһаарар мунньаҕар хороҕор муостаах ахсаана республика үрдүнэн 405 төбөнөн аҕыйаабыта бэлиэтэннэ. Ол эрэн, сылгы ахсаана уонна тыа хаһаайыстыбатын бородууксуйатын көрдөрүүтэ ааспыт сыллардааҕар биллэ тупсубутун эттилэр. Маны сэргэ бүгүҥҥү мунньахха кэлэр сыллааҕы соруктары торумнаатылар.

 



Добавить комментарий

Ваш e-mail не будет опубликован. Обязательные поля помечены *

два × один =