Бүлүү бөлөх улуустарын экологиятын научнай чинчийии бырагырааматын бу ый бүтүүтэ бигэргэтиэхтэрэ

Комментарии Общество и политика

Поделиться:

НВК САХА – Бүлүү бөлөх улуустарын экологиятын, нэһилиэнньэтин доруобуйатын комплекснай научнай чинчийии бырагырааматын бу сыл ыам ыйа бүтүөр диэри бигэргэтиэхтэрэ. Маннык быһаарыныыны Ил Дархан дьаһалынан үлэлиир экологическай сэбиэт ылынна. Бүгүн экологичексай сэбиэт бастакы мунньаҕар маны сэргэ, “Экология» национальнай бырайыак олоххо киириитин ырыттылар. Күн бүгүн Саха сирэ уон биир федеральнай бырайыактан түөрдүн олоххо киллэрэргэ кыттыһар. Бу иитинэн 2024 сылга диэри Дьокуускай, Бүлүү, Ньурба уонна Мирнэй куораттарыгар  4 көҥүлэ суох сыбаалканы суох оҥорор сорук турар.  Бүгүн бырайыак сметатын докумуона  3 объекка оҥоһулла турарын туһунан мунньах кыттыылаахтара иһитиннэрдилэр. Ньурба куорат сыбаалкатын чөлүгэр түһэриигэ техническэй сорудах бэлэмнэнэр. Бу сорукка олохтоох бүддьүөттэн үп көрүлүннэ. Көҥүлэ суох сыбаалкалары дьаһайарга, бастатан туран, нэһилиэнньэлээх пууннара бөҕү-сыыһы харайар саҥа полигоннары тутар тоҕоостооҕун сэбиэт чилиэннэрэ бэлиэтээтилэр.

«Бүлүү бөлөх экологиятын научнайдык чинчийии бырагыраамата олус наадалаах. Бу бырагыраама бигэргэтилиннэҕинэ, биһиги чопчу үлэлээн, наардаан киирэн барыа этибит», – диэтэ СӨ наука академиятын вице-бэрэсидьиэнэ Андрей Матвеев.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 + 1 =

ЛЕНТА НОВОСТЕЙ