Бүлүүчээн лицейин оҕолоро олоххо бэлэмнээх улааталлар (ВИДЕО)

Комментарии Образование и здравоохранение

NVK-ONLINE.RU – Саҥаны саҕалааччы учуутал, Бүлүүчээн техническэй лицейин төрүттээбит Василий Гаврильевич Акимов төрөөбүтэ 90 сылыгар аналлаах  регионнааҕы гражданскай форум сонун көрүүлээх уһуйааччылары түмтэ.

Олоххо бэлэмнээх киһини иитэн таһаарыы – үөрэх кыһатын сүрүн соруга. Бүлүүчээҥҥэ 60-с сыллартан үтүө тускуллаах үлэни саҕалаабыт киһинэн улахан учуутал, салайааччы Василий Гаврильевич Акимов буолар. Ол кэмтэн Бүлүүчээн оҕолоро уһаналлар, иистэнэллэр, дьиэни туталлар, массыынаны, тракторы ыыталлар. Тыа сирин техническэй лицейэ бүгүн даҕаны үлэ инники күөнүгэр сылдьар, үлэтин уопутун тарҕатар.

Күн устата лицей улэ мастарыскыайыгар кубулуйда: учууталлар секцияларынан дакылааттарын көмүскээтилэр, үөрэнээччилэр, араас сирдэртэн кэлбит маастардар сатабылларын көрдөрдүлэр, баҕалаахтары үөрэттилэр. Уус кыһатыгар дьарыктанар Эриксон Егоров оҥорбут хомуллар анньыыта дьон интэриэһин тарта.

Сонун түгэнинэн үрдүкү кылаас уолаттара аан бастаан ыытыллар авто дьыала олимпиадатыгар кытыннылар. Түмүктэр куһаҕана суохтар.

Үөрүүлээх быһыыга кэм кэрэһиттэрэ, саҥаны, бастыҥы саҕалааччылар, Бүлүүчээн ытыктанар учууталлара Василий Гаврильевич Акимовка уонна Борис Николаевич Андреевка мемориальнай дуосканы үөрүүлээхтик арыйдылар.



Добавить комментарий

Ваш e-mail не будет опубликован. Обязательные поля помечены *

6 − 4 =

ЛЕНТА НОВОСТЕЙ