Бүлүүгэ дьэдьэн, киис тиҥилэҕэ быйыл хаһааҥҥытааҕар да элбэх

Комментарии От редакции

Поделиться:

НВК САХА – Бүлүү улууһугар сир аһа быйыл да үүнүүтэ өлгөм. Ордук дьэдьэн, киис тиҥилэҕэ хаһааҥҥытааҕар да элбэх.

Онон бу күннэргэ олохтоохтор кыһыҥҥы хаһаастарын булунарга сылдьаллар.

Элбэх оҕолоох ийэ Замира Догоюсова сыл аайы сир аһын хото хомуйар, барыанньалаан, сироптаан кыһыҥҥыга хаһаанар. Оҕолор кыралар, онон доруобуйаҕа эдэр ийэ сир аһа ордук туһалаах, битэмиинэ олус элбэх диир.

Ол курдук быйыл дьэдьэни сэргэ киис тиҥилэҕэ хаһааҥҥы да дьыллардааҕар өлгөмнүк үүммүт, онон Догоюсовтарга битэмииннээх хаһаас быйыл да элбэх буолсу.

“Бүгүн киис тиҥилэҕэр бастакыбытын таҕыстыбыт, элбэх. Уһуннук сылдьар киһи биэдэрэ туолуо этэ”, – диир Замира.

Бүлүүгэ быйыл сайын саҕаланыыта ардахтаан, онтон кураан күн-дьыл туран, сир аһа дэлэй. Отон, сугун, болбукта хойуутук тэлгэнэ үүммүт, онтон күн бүгүн хаптаҕас ситэн, киһи барыта – тыаҕа.

Ол курдук Бүлүү куорат эбэлэрэ эмиэ айылҕалыын алтыһан күүс-сэниэ эбинэллэр, отон арааһын хомуйан, сиэннэрин күндүлүүллэр.

Сайын биир күнэ бүтүн дьылы аһатар дииллэринии , хаһаастаах хаһаайкалар ойууртан ордубаттар, сиппит дьэдьэн иэйиилээх үтүө күннэргэ ийэ айылҕа уйгу- быйаҥыттан бэриһиннэрэллэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × два =

ЛЕНТА НОВОСТЕЙ