Бүлүү куоратын олохтоохторо асфальт суолтан маттылар

Комментарии к записи Бүлүү куоратын олохтоохторо асфальт суолтан маттылар отключены Главные новости, Общество и политика

Поделиться:

НВК САХА – Кырылас кумахтаах Бүлүү куоратын олохтоохторо асфальт суолтан маттылар. Суол тутуутугар көрүллүбүт 75 мөлүйүөн солкуобай бу да сырыыга эмиэ туһаҕа тахсыбата.

Бүтэһик кэмҥэ Бүлүү куорат суолун туһунан элбэхтэ кэпсээтилэр. Ол эрэн балаһыанньа тупсубата. Суоппардар алдьаммыт суолунан айаннаабыттарын курдук айанныыллар, оттон олохтоохтор быыллаах уулуссанан хаампыттарын курдук хаамаллар.

Куорат суолун оҥорорго үп ааспыт сылга көрүллүбүтэ. Маныаха 75 мөлүйүөн солкуобайдаах тиэндэри куорат салалтата сайын ортото эрэ биллэрбитэ. Былаан быһыытынан күһүҥҥэ диэри бу үлэ түмүктэниэхтээҕэ. Ол эрэн кэккэ биричиинэнэн биир даҕаны суолу оҥорор тэрилтэ куонкуруска кыттыбата. Маныаха иккис төгүлүн биллэриллибит тендер болдьоҕо эмиэ ааста. Бу да сырыыга биир даҕаны тэрилтэ кыттыбата.

Оттон ыаллыы сытар Горнай улууһун киинигэр төттөрүтүн суол өрөмүөнүн оҥоруон баҕалаах тэрилтэ олус элбэх.

“Быйыл суол пуондатыттан 20 мөлүйүөнү куонкурустаһан ылан, суолбутун асфаллыахтаахпыт. Уопсайа 2 км 180 миэтэрэ Данилов, Парфенов уонна Андреева уулуссаларыгар ыытыллыахтаах. Кыайыылаах билиннэҕинэ, асфаллаан саҕалыахпыт”, – диэтэ Бэрдьигэстээх баһылыгын солбуйааччы Алексей Аргунов.

Маны таһынан бэрдьигэстээхтэр олохтоох дьон көҕүлээһинин өйүүр бырагыраамаҕа киирсэн, нэһилиэк 7 уулуссатын оҥорон саҕалаатылар. Кэлэр сылга ханнык уулуссаны ылсалларын быһаараллар.

Горнайдар суол тутуутун аны күһүн тымныы түһүөр диэри үмүрүтэр соруктаахтар. Оттон мөлтөх суоллаах-иистээх Бүлүү куорат олохтоохторо кэлэр сыл күһүнүгэр диэри көнө ньуурдаах асфальт суолтан маталларыгар тиийэллэр.

 



Поделиться:




Наш Telegram
Отправляйте свои новости на горячую линию: +7(914)2734488

Comments are closed.

ЛЕНТА НОВОСТЕЙ