Бүлүүлэргэ Олоҥхо ыһыаҕар бэлэмнэнии үлэлэрэ күүһүрдүлэр (ВИДЕО)

Комментарии Спорт и культура

Просмотров: 17

NVK-ONLINE.RU – Бүлүү куоратыгар 11 республикатааҕы Олоҥхо ыһыаҥа ыытыллара 40 хонук хаалла. Онон бүлүүлэргэ ыһыахха бэлэмнэнии үлэтэ өссө күүһүрэр. Ол курдук күн бүгүн куораты тупсарарга, ыраастааһыҥҥа үгүс үлэ барар.

Сылын аайы Бүлүүгэ куораты көҕөрдүүгэ, тупсарыыга үгүс былааннаах үлэ барар. Хас биирдии тэрилтэ үлэһиттэрэ, оскуола оҕолоро, биирдиилээн да дьон үөрүүнү кытта маннык тэрээһиннэргэ кытталлар. Онуоха быйылгы сылга куораппытыгар 11 республикатааҕы Олоҥхо ыһыа5а буоларынан сибээстээн үлэ икки бүк күүһүрэр.

Сэбиэскэй Сойуус Геройа Николай Саввич Степанов аатын сүгэр 3 нүөмэрдээх оскуола 1 “в” кылааһын үөрэнээччилэрэ бу тыллан турар сибэккилэрин саас эрдэ олордубуттара. Оҕолор сибэккилэрин хара маҥнайгыттан бэйэлэрэ көрөр-харайар буоланнар, хас биирдии сибэккилэрин бу курдук таптаан туран бүөбэйдииллэр.

Бүлүү куората саамай элбэх историческай пааматынньыктардааҕынан аатырар. Онон Саха сирин куораттарыттан биир кыраһыабайдар сирэ буолар. Оттон ити 9000 тыһ тыллан тахсыбыт сибэкки таһырдьа олордулуннаҕына куораппыт аны сайын ыалдьыттары көрсөргө өссө тупсаҕай көрүҥнэниэҕэ.



Добавить комментарий

Ваш e-mail не будет опубликован. Обязательные поля помечены *

20 − два =