Бүлүү Сосновкатыгар күүтүүлээх тутуу саҕаланна

Комментарии Общество и политика

Поделиться:

НВК САХА – Ил Дархан Айсен Николаев федеральнай таһымҥа күүскэ үлэлэһэн, Бүлүү улууһугар психоневрологическай интернат  150 миэстэлээх , толору хааччыллыылаах,  таас утуйар корпуһун тутуутун федеральнай бюджеттан үбүлэниитин ситистэ диэн улуустааҕы дьаһалта пресс-сулууспата иһитиннэрэр.

Бу туруорсуу олоххо киириитин мэктиэтин толорон, Россия бырабыыталыстыбатын бэрэссэдээтэлэ Дмитрий Медведев анал  дьаһал таһаарда. Ол түмүгэр тутууга анаан федеральнай бүддьүөттэн 264,5 мөлүйүөн солкуобай харчы көрүлүннэ. Дмитрий Медведев дьаһалга өрөспүүбүлүкэ бырабыыталыстыбата 2021 сылга 150 миэстэлээх  психоневрологическай интернат тутуутун үлэҕэ киллэрэригэр соруйда.

Бу дьаһалга олоҕуран, тутуу министиэристибэтин иһинэн үлэлиир судаарыстыбаннай тутуу сакаасчытын сулууспата бу тутууга анаан тендер биллэрбитигэр, «КИНГ-95» диэн тэрилтэ куонкуруска кыттан, кыайыылааҕынан тахсан, Сосновкаҕа тутуллуохтаах  150 миэстэлээх  психоневрологическай интернаты тутар быраабы ылбыта. Онон муус устар 25 күнүгэр Сосновкаҕа кэлэн, олохтоох салалтаны кытта барыахтаах үлэ балаһыанньатын быһаарыста.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

18 − 8 =

ЛЕНТА НОВОСТЕЙ