«Бүлүү» суолга Аччыгый Ботуобуйа өрүһү туоруур муоста тутуута саҕаланна

Комментарии Главные новости, Общество и политика

Поделиться:

НВК САХА – Мииринэй уонна Сунтаар улуустарын кыраныыссатыгар Аччыгый Ботуобуйа өрүһү туоруур муоста тутуута саҕаланна. Бу туһунан Мииринэй оройуонун дьаһалтатын пресс-сулууспата иһитиннэрдэ.

“192 миэтэрэ уһуннаах икки балаһалаах муоста оройуоҥҥа “Бүлүү” суол 1 157-с км-гэр тутуллуоҕа. Бу муоста Мииринэй уонна Сунтаар улуустарын ситимниэҕэ. Бэдэрээтчит муостаҕа киирэр суолу асфаллаан тутуохтаах. Муостаны 2020 сыл бүтүүтэ үлэҕэ киллэриэхтээхтэр”, – диэн иһитиннэриигэ этиллэр.

Суол үлэһиттэрэ тутуу бастакы түһүмэҕэр үлэлээн саҕалаатылар, ол курдук кытыл сирин тэҥнииллэр, муоста сыбаайатын түһэрэргэ үлэлииллэр.

Бэлиэтиир буоллахха, 1,5 миллиард солкуобай кэриҥэ сыаналаах бырайыак федеральнай бүддьүөттэн үбүлэнэр. Бэдэрээтчитэ – “ВостСибСпецМонтаж” ХЭУо.

Оройуон дьаһалтата этэринэн, билигин Аччыгый Ботуобуйа өрүһүнэн понтоннай муостанан сылдьаллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − 14 =

ЛЕНТА НОВОСТЕЙ