Бүлүү улууһугар тустаах бырагырааманан элбэх ыал дьиэлэннэ

Комментарии От редакции

Поделиться:

НВК САХА – Бүлүү улууһугар дьиэ тутталара элбээтэ. Ол курдук Хаҕыҥҥа үс сылтан бэттэх 10, оттон II Күүлэккэ 10 сыл иһигэр 14 дьиэ үлэҕэ киирдэ.

84 хаарыгар сылдьар ытык кырдьаҕас, тыыл бэтэрээнэ Евдокия Софронова толору хааччыллыылаах дьиэҕэ олороруттан олус үөрэр. Оҕолоро быйыл дьиэ тутан дьэндэппиттэр. Онон Евдокия Григорьевна оҕолоругар, сиэннэригэр күннэтэ дьиэ ис үлэтигэр көмө, сүбэһит буолар.

“Нэһилиэкпит уруккута буолбатах, тупсан иһэр буоллаҕа”, – диэн Евдокия үөрэ кэпсиир.

Элбэх оҕолоох ыал Христина, Егор Ивановтар тымныы, эргэ дьиэлэриттэн сэтинньи ыйга көһөн, саҥа сылы саҥа дьиэлээх көрсүбүттэр. Киин ититэр ситимҥэ холбоммут дьиэ сылааһа, киэҥэ-куоҥа олус үчүгэй. Оттон тутуу хас эмэ сылы быһа барда, ол курдук 2015 сыллаахха саҕаланан, силигэ үс сылынан дьэ ситтэ.

“Толору хааччыллыылаах дьиэлэр баар буолбуттара үчүгэй бөҕө буоллаҕа. Түөрт оҕолоохпут, бырагыраамаҕа хапсан, 1 мөлүйүөн 200 тыһыынча ылбыппыт. Инникитин дьиэбитин толору хааччыллыылаах оҥоруохпутун баҕарабыт”, – диэн ыал ийэтэ Христина эттэ.

Ким кыахтаах, баҕалаах хайдах баҕарар тэринэн олорор кэмэ кэллэ, дьиэлэнэргэ анаммыт бырагыраамаларга киирэн, элбэх ыал субсидиянан туһанна.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

7 − 2 =

ЛЕНТА НОВОСТЕЙ