Бүөр ыарыһахтар кыһалҕаларын бырабыытылыстыба бэрэссэдээтэлэ Владимир Солодов иннигэр туруордулар

Комментарии Образование и здравоохранение

Поделиться:

НВК САХА – Өрөспүүбүлүкэ бырабыытылыстыбатын бэрэссэдээтэлэ Владимир Солодов бүгүн гражданнары приемнаата.

Манна бүөрү көһөрөн олордуу кэнниттэн гемодиализтан тутулуктанар ыарыһахтар, «Нефро-Лига» уонна «Өрөспүүбүлүкэ гемодиализтанар пациеннара» общественнай тэриллии ааттарыттан Дьокуускай олохтооҕо Дмитрий Стручков кэлэр сыл бастакы кыбартаалыгар чэпчэтиилээх эминэн-томунан хааччыйыы боппуруоһун көтөхтө.

Бу хайысхаҕа баар быһыыга-майгыга доруобуйа харыстабылын миниистирин солбуйааччы Людмила Вербицкая быһаарыы биэрдэ. Кини 2018 сыл тохсунньу-олунньу ыйдарыгар препараттарынан хааччыйыы харгыстана сылдьыбытын бигэргэттэ.

Быйыл министиэристибэ сайаапканы кэмигэр түһэрэн, гемодиалиһы ылар ыарыһахтар 2019 сыл бастакы кыбартаалыгар 55 мөлүйүөн солкуобай сууммалаах эминэн кэмигэр толору хааччыллыахтарын мэктиэлээтэ.

Владимир Солодов боппуруоһу хонтуруолга тутарга, эми атыылаһарга сайаапканы кэмигэр түһэрэргэ сорудахтаата.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать − 7 =

ЛЕНТА НОВОСТЕЙ