Баһылай Румянцев хапсаҕайын түһүлгэтигэр республика бөҕөстөрө күөн көрүстүлэр (ВИДЕО)

Комментарии Спорт и культура

Поделиться:

NVK-ONLINE.RU – Бу күннэргэ Бүлүү улууһугар Баһылай Румянцев хапсаҕайын киэҥ түһүлгэтэ буолан ааста. Икки күннээх тыҥааһыннаах чаҕылхай киирсиилэри республикаҕа биллэ аатырбыт бөҕөстөр көрдөрдүлэр.

Бу күннэргэ Манчаары ооньууларыгар сүүмэрдиир күрэхтэһиилэр ону тэҥэ республикаҕа араас таһымнаах хапсаҕай күрэхтэрэ ыытылла турар буолан, быйыл Баһылай Румянцев түһүлгэтигэр арыый да аҕыйах бөҕөс кытта кэлбит. Ол эрэн республикаҕа биллибит-көстүбүт бөҕөстөр мустаннар, күрэхтэһии бэрт үрдүк таһымнаахтык ааста.

Саха аатырбыт номоххо киирбит бөҕөһө хапсаҕайга уонна көҥүл тустууга улахан кылааты киллэрбит СӨ үтүөлээх тренерэ Баһылай Румянцев хапсаҕайа быйыл 22 төгүлүн ыытылынна.

Быйыл саҥа тутуллан үлэҕэ киирбит улахан спорт комплексыгар аны сайын Баһылай Румянцев аата иҥэриллиэхтээх. Онон бүлүүлэр хапсаҕайга уонна көҥүл тустууга элбэх бөҕөстөрү иитэн таһаарбыт Бүлүүгэ олорон, үлэлээн-хамсаан ааспыт киһи аатын үйэтитэргэ элбэх үлэни ыыталлар.

Оттон күрэхтэһии түмүгүнэн түһүлгэ Аан Дархан аатын СӨ спордун маастара Николай Николаев ылан, күрэхтэһии спонсора Аркадий Захаровтан 50 тыһыынча уу харчынан наҕараадаланна.

 



Поделиться:




Добавить комментарий

Ваш e-mail не будет опубликован. Обязательные поля помечены *

семь + 3 =

ЛЕНТА НОВОСТЕЙ