Бэрдьигэстээх олохтоохторо төһө босхо сир ыллылар? (ВИДЕО)

Комментарии Дальневосточный гектар

Просмотров: 22

NVK-ONLINE.RU –  “Уһук Илиҥҥи гектар” иккис түһүмэҕэ  алтынньы 1 күнүттэн саҕаламмыта. Билигин олохтоохтор бу сокуонунан Саха сиригэр сир ылар толору бырааптаахтар.

“Уһук Илиҥҥи гектар” иккис түһүмэҕэ  кэлэр 2017 сыл олунньу ыйыгар түмүктэниэ. Бу түһүмэх кэмигэр Саха сиригэр маҥнай олохтоохтор эрэ бу гектары ылар бырааптаахтар. Онтон эһиил үһүс түһүмэххэ атын регионнартан Саха сиригэр бу га сири ылыахтарын сөп. Бэрдьигэстээх нэһилиэгэр уопсайа 30 сайаапка киирбититтэн билиҥҥи кэмҥэ 8 эрэ киһи дуогабар ылан сирдэннэ.

Бу сокуон нөҥүө сир ылыан баҕалаахтар маҥнай Интернет ситимигэр госуслуги сайтка киирэн регистрацияланан, ханна сир ылыахтарын баҕаралларын картаҕа ыйан, сайаапка түһэрдэхтэринэ, туһааннаах үлэһиттэр көмөлөрүнэн босхо төрүт сирбитигэр-уоппутугар бэйэбит дьарыкпытын учуоттаан, гектар сиргэ тиксиэххэ сөп.

Биир киһиэхэ биир гектар сир бэриллэр эбит буоллаҕына, дьиэ кэргэн, аймахтар, доҕоттор бары тэҥҥэ холбоһон, коллективнай диэн сайаапка түһэрдэхтэринэ, бары хас да бүк элбэх гектар сирдэниэхтэрин сөп. Ол эрэн, маннык сайаапкаҕа уопсайа 10 эрэ киһи киирэрэ учуоттанара биллэр.

 



Добавить комментарий

Ваш e-mail не будет опубликован. Обязательные поля помечены *

11 − семь =