Биэдэмистибэ салайааччылара Аллараа Бэстээххэ тутуллубут биэрэги бөҕөргөтөр эбийиэги көрдүлэр

Комментарии Общество и политика

Поделиться:

НВК САХА – РФ айылҕа, экология министиэристибэтин салалтатынан үлэлиир ууну уонна гидрометеорологияны салайар судаарыстыбаннай бэлиитикэ департаменын салайааччытын сүбэһитэ Леонид Иляхин, СӨ тутуутун миниистирин солбуйааччы Евгений Афанасьев, СӨ «Судаарыстыбаннай сакаасчыт сулууспатын» салайааччыта Петр Кушкирин, тустаах тэрилтэлэр биэдэмистибэлэр салайааччылара Аллараа Бэстээххэ тиийэн, икки сыллааҕыта тутуллубут биэрэги бөҕөргөтөр эбийиэги көрдүлэр-иһиттилэр. Бу туһунан тутуу министиэристибэтин пресс-сулууспата иһитиннэрдэ.

Манна сылдьыбыт салайааччылар эбийиэк биэрэги суураллыыттан харыстыырыгар, халаан этэҥҥэ ааһарын хааччыйарыгар туһалаах диэн биир санааҕа кэллилэр.

«Өлүөнэ өрүс хайысхата уларыйа турар. Ол да иһин улахан хоромньулаах алдьаныы-кээһэнии тахсар, ыксаллаах быһыы-майгы үөскүүр. Аллараа Бэстээх бөһүөлэгэ сүүрбэ сыл тухары маннык эмсэҕэлээһини көрсөн кэллэ. 2017 сылтан бэттэх биэрэги бөҕөргөтөр эбийиэк тутуута саҕаламмыта. Үлэни СӨ «Судаарыстыбаннай сакаасчыт сулууспата» сүрүннүүр. Бэдэрээтчит — «Кинг 95» тэрилтэ. Былырыыҥҥы халаан кэмигэр эбийиэк көдьүүстээҕэ биллибитэ», — диир тэрилтэ салайааччыта Петр Кушкирин.

Кини бэлиэтээбитинэн,  Халымалыыр федеральнай айан суолун чугаһыгар баар ууттан алдьаныан  сөптөөх сир ситэри оҥоһуллубут.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двадцать − три =

ЛЕНТА НОВОСТЕЙ