Биллиилээх сэбиэскэй суруйааччы Юрий Бондарев 95 сааһын туолла

Комментарии Общество и политика

Поделиться:

НВК САХА – Арассыыйа премьер-миниистирэ Дмитрий Медведев суруйааччы, ССРС судаарыстыбаннай бириэмийэлэрин лауреата Юрий Бондаревы 95 сааһынан эҕэрдэлээтэ. Бырабыытылыстыба бэрэссэдээтэлэ дойду дьылҕатын хаһан баҕарар чугастык ылынар, тус көрүүтүн халбарыппат суруйааччы олоҕун дьоһун суолун бэлиэтээтэ. Ону таһынан кини айар үлэтигэр улахан дьайыыны Аҕа дойду Улуу сэриитэ оҥорбутун санатта.

Сэбиэскэй суруйааччы Юрий Васильевич Бондарев 1964 сыллаахха кулун тутар 15 күнүгэр Оренбург уобалаһын Орск куоратыгар төрөөбүтэ. Кини бөрүөтүн анныттан  “Двое” (1964), “Берег” (1975), “Выбор” (1980), “Игра” (1985), “Искушение” (1991), “Непротивление” (1996), “Бермудский треугольник” (1999) арамааннар, “Родственники” (1969) сэһэн тахсыбыта.

РИА иһитиннэрэринэн, суруйааччы айар үлэтэ үгүс ахсааннаах сэбиэскэй уонна Арассыыйа наҕараадаларынан бэлиэтэммитэ. Ол курдук 1984 сыллаахха киниэхэ Социалистическай Үлэ Дьоруойа аат иҥэриллибитэ. Ону тэнэ Юрий Бондарев Ленинскэй бириэмийэ, ССРС икки Судаарыстыбаннай, РСФСР Судаарыстыбаннай бириэмийэтин лауреатынан буолар. Ленин, Өктөөп өрөбөлүүссүйэтин, Үлэ Кыһын Знамята уордьанынан, “Бочуот бэлиэтинэн” наҕараадаламмыта. Омук судаарыстабыларын үгүс наҕараадатыгар эмиэ тиксибитэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать − 1 =

ЛЕНТА НОВОСТЕЙ