Благовещенскай балыыһатыгар искэҥнээх 100 оҕону С гепатитынан сутуйбуттар

Комментарии Образование и здравоохранение

Поделиться:

НВК САХА – Благовещенскай балыыһатыгар 100 тахса искэҥ ыарыылаах оҕо С гепатитынан сутулунна.

Амур уобалаһынааҕы оҕо клиническэй балыыһатыгар итиччэ оҕо сутуллубутун туһунан «Коммерсантъ» иһитиннэрэр.

Ааспыт сыл бүтүүтэ эрэгийиэн былаастара маннык 26 түбэлтэни эрэ бигэргэппиттэрэ. Ол кэнниттэн бу туһунан сырдатар-маассабай сириэстибэлэргэ киэҥник тарҕаммытын кэннэ, бу отделениеҕа оҕолоро сыппыт атын төрөппүттэр эмиэ биллэрбиттэр. Онон эмсэҕэлээбит оҕо ийэтэ кэпсээбитинэн, 2013 сылтан саҕалаан, 2018 сыл ахсынньытыгар диэри  сутуллуу 100 киһиэхэ тэҥнэспит. Мантан кэнники үс сылга С гепатитынан 60 чугаһыыр оҕо сутуллубута билиннэ.

Санаттахха, ааспыт сыл ахсынньытыгар 26 оҕо сутуллубутун туһунан биллибитэ. Онуоха итинник быһыы-майгы балыыһа үлэһиттэрин көтүмэх, эппиэтинэһэ суох сыһыаннарыттан тахсыбыт. Ол курдук кинилэр биирдэ эрэ туттуллар бэрчээккэни, катетеры хаста да тутта сылдьыбыттар.

Арассыыйа силиэстийэлиир кэмитиэтин эрэгийиэннээҕи салаата манан сибээстээн силиэстийэ ыытар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 − одиннадцать =

ЛЕНТА НОВОСТЕЙ