Куомуннаһыы уонна түөкүннээһин түбэлтэтинэн холуобунай дьыалалар тэрилиннилэр

Комментарии Криминал и происшествие

Поделиться:

НВК САХА – Өрөспүүбүлүкэ борокуратуурата Ис дьыала министиэристибэтин экэнэмиичэскэй  буруйу оҥорууну уонна хоруупсуйаны  утары управлениетын, итиэннэ монополияны утары федеральнай сулууспа салаатын кытта атыылаһыыны ыытарга сокуону тутуһууну бэрэбиэркэлээтэ.

Ол түмүгэр  өрөспүүбүлүкэҕэ регистрацияламмыт кэмиэрчэскэй тэрилтэлэр салайааччылара өрөспүүбүлүкэ медицинскэй тэрилтэлэрин кытта эминэн уонна мэдисиинэ тэриллэринэн хааччыйыыга судаарыстыбаннай хантараагы түһэрсэллэригэр түөкүннээһиннэрин уонна күрэстэһиини хааччахтыыр инниттэн, эрдэттэн куомуннаспыттарын түбэлтэтэ көһүннэ.

Итинник 3 миллиард солкуобай кэриҥэ суммалаах судаарыстыбаннай хантараак түһэрсиллибит. Маныаха борокуратуура бэрэбиэркэтин матырыйаалын быһыытынан, сыана 2-3 төгүл үрдэтиллибитэ билиннэ.

Итинэн сибээстээн хас да ыстатыйанан холуобунай дьыалалар тэрилиннилэр. Билигин суһал силиэстийэлиир бөлөх туһааннаах биэдэмистибэлэр үлэһиттэрин кытта кэмиэрчэскэй тэрилтэлэргэ уонна доруобуйа харыстабылын министиэристибэтин аннынан үлэлиир тэрилтэлэргэ дьэҥдьиир ыыталлар. Бу туһунан өрөспүүбүлүкэ борокуратуурата иһитиннэрэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 × два =

ЛЕНТА НОВОСТЕЙ