Быйыл биир кэлим эксээмэни туттарарга 8 755 сайаапка киирбит

Комментарии Образование и здравоохранение

Поделиться:

НВК САХА – СӨ үөрэҕин уонна наукатын министиэристибэтэ иһитиннэрбитинэн, быйыл сүрүн түһүмэххэ биир кэлим эксээмэни туттарарга 8755 сайаапка киирбит. Итинтэн 8235 оҕо – быйыл оскуоланы бүтэрээччи. Сүрүн түһүмэх иннинээҕи эксээмэни 441 киһи туттарбыт. Бу туһунан  үөрэх министиэристибэтин пресс-сулууспата иһитиннэрэр.

Быйыл биир кэлим эксээмэн сүрүн түһүмэҕэ ыам ыйын 27 күнүттэн географияҕа, литэрэтиирэҕэ саҕаланан баран, от ыйын 1 күнүгэр бары предметтэргэ саппаас күнүнэн түмүктэниэҕэ.

Ааспыт сылтан улахан уларыйыы суох. Нуучча тыла уонна математика – булгуччулаах предметтэр. Ол эбэтэр аттестат ыларга наадалаахтар. Арай, урукку сылларга математиканы талбыт оҕолор судургу көрүҥүн эмиэ туттарыахтарын сөп этэ. Быйылгыттан итини тохтоттулар. Бука, хос үлэ диэн эрдэхтэрэ. Итиэннэ, Рособрнадзор үлэһиттэрэ бэлиэтииллэринэн, биир үксүн, уустугурдуллубут математиканы син биир ахсааҥҥа бэйэтин билиитин таһымыгар эрэллээх оҕо туттарар. Онон судургу көрүҥүн ааһара биллэр. Эксээмэни ыытар дьон да хос түбүгүрбэттэр. Санатан эттэххэ, математика (уустук) көрүҥэ математикалаах үрдүк үөрэх кыһатыгар туттарсар дьоҥҥо ирдэнэр.

Иккис сүрүн уларыйыы омук тылыгар киирдэ. Ол курдук, урут Англия, француз, ньиэмэс, Испания тылын туттарар эбит буоллахтарына, быйылгыттан Кытай тыла эбилиннэ. Саха сиригэр Кытай тылын үөрэтэр оскуолалар аҕыйаҕа суохтар. Бэл диэтэр, тыа сирин уһук дэриэбинэлэригэр кытта үөрэтэллэр.

Аны математика тустаах көрүҥүн талан баран, алын баалы ылбатахтар, кыайан туттарбатахтар саппаас күннэргэ судургутутуллубут математиканы туттаран баран, аттестат ылыахтарын сөп.

 2019 сыллааҕы биир кэлим эксээмэн алын баалын холобурдаатахха: нуучча тыла — 36, математика (профиль) — 27, физика — 36, химия — 36, информатика уонна ИКТ — 40, биология — 36, история — 32, география — 37, обществознание — 42, литэрэтиирэ — 32, омук тыллара (англия, ньиэмэс, француз, испания, кытай) — 22.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать − 9 =

ЛЕНТА НОВОСТЕЙ