Быйыл Өлүөнэ өрүс мууһа эрдэ устара күүтүллэр

Комментарии Общество и политика

Поделиться:

НВК САХА – Саха сиригэр өрүс эрдэ устар туруктаах. Өрүс харыытын кэмигэр уу таһыма 1,5-2,0 миэтирэ тахсыан сөп диэн күнү-дьылы кэтээн көрөр киин иһитиннэрэр.

Быйыл Өлүөнэ өрүс Иркутскай уобалаһыгар 2-4 хонугунан эрдэ эстэр туруктаах. Оттон Ленскэйгэ, Өлүөхүмэҕэ ыам ыйын 4-12 күннэригэр, Дьокуускай аннынан ыам ыйын 14-16 күннэригэр, Сангаарга ыам ыйын 19-21 күннэригэр, Күһүүргэ ыам ыйын бүтэһик күннэригэр устара күүтүллэр.

Ыам ыйын бастакы декадатыгар 3-5 күн эрдэлээн Алдан уонна Амма өрүстэр устуохтара.

Хоту уонна хотугулуу-илиҥҥи өрүстэргэ, Индигиир өрүстэн ураты, муус 2-4 суукка эрдэлээн устуоҕа.

Күнү-дьылы билгэлиир киин үлэһиттэрэ этэллэринэн, уу таһыма Өлүөнэ, Амма, Халыма, Дьааҥы уонна Индигир өрүстэргэ нуорматтан 0,5-1,4 миэтирэнэн үрдүк буолуоҕа. 1,4-2,3 миэтирэнэн үрдүк көрдөрүү Ленскэй — Нүүйэ учаастактарыгар күүтүллэр.

Оттон Алдан өрүскэ уу таһымын үрдүк көрдөрүүтэ 0,5-0,9 миэтирэнэн намыһах буолара сабаҕаланар.

Элбэх хаартан Алаһыай өрүс уута таһынан бардаҕына, Сыбаатай уонна Арҕахтаах бөһүөлэктэрэ былырыыҥҥы курдук ууга барар кутталлаахтар.

Халаан уутуттан уопсайа 24 оройуоҥҥа 120 нэһилиэк эмсэҕэлиир кутталлаах. –ай



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

одиннадцать + один =

ЛЕНТА НОВОСТЕЙ