Быйыл орто анал идэҕэ бүддьүөт суотугар 6 тыһыынчаттан тахса миэстэни тыырдылар

Комментарии От редакции

Поделиться:

НВК САХА – Дьокуускайга үөрэххэ туттарсыы үгэннээн турар. Быйыл орто анал идэҕэ бүддьүөт суотугар уопсайа 6 тыһыынчаттан тахса миэстэни тыырдылар.

Үйэ сайдан, билигин аныгы технологияны баһылыан баҕалаах элбиир. Быйыл Дьокуускайдааҕы сибээс уонна энергетика коллеһа 200 кэринэ устудьуону ылыахтаах. Оттон киириэн баҕалаах ахсаана сылын ахсын ортотунан 1200 диэри тиийэр.

“IT, программирование идэлэригэр куонкурус улахан, биир миэстэҕэ биэс-алта киһи сайабылыанньата киирэр”, – диэтэ П.И. Дудкин аатынан Дьокуускайдааҕы сибээс уонна энергетика коллеһын уһуйааччыта Полина Лепчикова. 

Кэлэр үөрэх дьылыгар орто анал идэҕэ бүддьүөт суотугар уопсайа 6 тыһыынчаттан тахса миэстэни тыырдылар. Мантан 3 000 тахса миэстэтэ – тохсус кылаас кэннэ туттарсааччыларга. Маны сэргэ алта саҥа идэҕэ сүүмэрдиэхтэрэ.

Эбэн эттэххэ, быйыл үөрэххэ туттарсааччылар докумуоннарын судаарыстыбаннай портал нөҥүө туттарар кыахтаннылар. Кэлин маннык быраактыканы тэнитэн, бары үөрэх кыһаларыгар киллэрэр соруктаахтар.

“Саҥа сүүрээммит диэн быйыл edu.e-yakutia.ru порталынан үөрэххэ туттарсааччылар докумуоннарын туттарыахтарын сөп. Онон алта үөрэх тэрилтэтэ ол курдук тутуоҕа”, – диэн регионнааҕы киин тутар хамыыһыйа координатора Анжелика Игнатьева эттэ.

Маны сэргэ от ыйын 25 күнүттэн киин тутар хамыыһыйа үлэтин саҕалыа, манна улуустарга баар орто үөрэх кыһалара докумуоннары Дьокуускайга кэлэн, Кооперация коллеһыгар тутуохтара. Оттон бүтэһиктээх түмүк атырдьах ыйын 20-с чыыһылаларыгар тахсыаҕа.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать − 8 =

ЛЕНТА НОВОСТЕЙ