Быйылгы үөрэх дьылыттан инклюзивнай үөрэхтээһин федеральнай стандарта олоххо киирдэ (ВИДЕО)

Комментарии Образование и здравоохранение

Просмотров: 45

Ырыа ымыылаах Айыллаана кыыс билии-көрүү үктэлин кыһамньылаахтык дабайар. Кинини кытта республикатааҕы коррекционай оскуола 220 үөрэнээччилээх. Оҕоҕо ураты болҕомто, анал программа, сылаас эйгэ. Ону ааһан үөрэх кыһата атын оскуолаларга тирэх буолар.

Улахан буукубалаах, анал шрифтээх кинигэлэр, тэтэрээттэр, электроннай луупа, пандустар. Маныаха майгынныыр усулуобуйа бу үөрэх дьылыттан бары оскуолаҕа тэриллиэхтээх. Бу инклюзивнай үөрэхтээһин тутаах ирдэбилэ.

Доруобуйатынан хааччахтаах оҕо тэҥ саастыылаахтарын кытта тэҥҥэ сылдьан элбэҕи билэр, дьоҕура өссө сайдар. Күннэй Кычкина – иккис кылаас үөрэнээччитэ, Чурапчыга олорор. Кыысчаан фольклорнай куруһуокка сылдьар , уруһуйдуурун сөбүлүүр.

Хайа баҕар үөрэнээччигэ учуутал ийэлии истиҥник, оттон доруобуйатынан хааччахтаах оҕоҕо ордук амарахтык сыһыаннаһыахтаах. Ол эрээри ардыгар үөрэҕи иитиини эриэ-дэхси тутан, дьүөрэлиир кыаллымыан сөп. Ол иһин учууталы кытта тьютер , ол эбэтэр көмөлөһөөччү тэҥинэн ылсыахтаах.

Аны санитарнай нуормаҕа ыйылларынан, өскөтүн кылааска доруобуйатынан хааччахтаах икки үөрэнээччи баар буоллаҕына, кинилэри ааҕан туран, оҕо ахсаана 25 – тэн элбиэ суохтаах. Ирдэбил баар, сурукка суруллар, оттон Дьокуускай оскуолаларын кылаастарыгар оҕо тобус-толору.

Инклюзивнай үөрэхтээһин саҥа ирдэбилэ оҕо тэрилтэтин барытын хабыахтаах. . Ол быһыытынан, 2020 сылга диэри аны уһуйааннар уонна эбии үөрэхтээһин тэрилтэлэрэ анал оборудованиенан хааччыллыахтаахтар. Билиҥҥитэ республика үрдүнэн биэс уһуйааҥҥа үлэ саҕаламмыт.

 



Добавить комментарий

Ваш e-mail не будет опубликован. Обязательные поля помечены *

20 − 20 =