Быыһааччылардаах Ми-8 бөртөлүөт Уус Алдан Дыгдалыгар көтүөҕэ

Комментарии Общество и политика

Поделиться:

НВК САХА – «Алдан-2» суһал бөлөх Ми-8 бөртөлүөтүнэн Уус Алдан оройуонун Чэриктэйиттэн Дыгдал нэһилиэгэр көтүөҕэ. Маннык быһаарыныыны Саха сиринээҕи бырабыыталыстыбатын бэрэссэдээтэлин бастакы солбуйааччыта Алексей Колодезников ыксаллаах быһыы-майгы мунньаҕын кэмигэр ылынна.

«Дыгдал нэһилиэнньэлээх пууҥҥа уу таһыма 993 см тэҥнэһэр, кутталлаах таһым – 1005 см (чаас иһигэр +44 см). Билигин ууга барбыт дьиэ суох. Сэттэ киһини көһөрдүбүт. Уу таһыма үрдүүрэ бэлиэтэнэр. Алларанан суол суох. Ол иһин Бороҕонтон эбии күүһү сатаан ыыппаппыт. Онон Чэриктэй нэһилиэгиттэн быыһааччылардаах Ми-8 бөртөлүөтү Дыгдалга ыытаргытыгар көрдөһөбүт», – диэн оройуон баһылыга Алексей Федотов иһитиннэрдэ.

Баһылык көрдөһүүтүгэр Алексей Колодезников сөбүлэҥин биэрдэ.

Баһылык иһитиннэрбитинэн, Чэриктэйгэ уу таһыма 1059 см тэҥнэһэр. Кутталлаах таһым – 1060 см. Манна 24 тэлгэһэ ууга баран турар, ол иһигэр 12 олорор дьиэ. Ону тэҥэ икки нэһилиэк иһинээҕи суол ууга барда. «Чэриктэй» муниципальнай суол быһытын уу ылла. Атын нэһилиэктэргэ 101 киһи, ол иһигэр 72 оҕо көһөрүллүбүтэ. Быстах кэмҥэ тохтуур сиргэ 18 киһи олорор. Үрдүк сирдэргэ 183 сүөһү үүрүлүннэ.

Уус Күөлгэ быһыт тоҕо барыытын түмүгэр сэттэ тэлгэһэ уонна түөрт нэһилиэк иһинээҕи суол ууга барбыта. Ону тэҥэ кырдьаҕастар уонна инбэлииттэр олорор дьиэлэрин тэлгэһэтин уу ылбыта.

«Ууга барбыт нэһилиэктэр дьону быстах кэмҥэ олордор пууннарыгар бородуукта, уу, эмп саппааһа баар», – диэн Алексей Федотов иһитиннэрдэ. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 − два =

ЛЕНТА НОВОСТЕЙ