Чульманнааҕы тепловой электростанцияҕа дьон оһолломмутунан силиэстийэ барар

Комментарии Криминал и происшествие

Поделиться:

НВК САХА – Силиэстийэлиир кэмитиэт СӨ салаатын Нерюнгри куораттааҕы отдела Чульманнааҕы тепловой электростанцияҕа икки үлэһит итиигэ буспутунан бэрэбиэркэни ыытар.

Бүгүҥҥү күҥҥэ биллибитинэн, ыам ыйын 13 күнүгэр хочуол ваннатын ыраастыы сылдьан, икки киһи эмсэҕэлээбит. Ол иһигэр 32 саастаах бетощник илиитин, атаҕын сиэппит, 29 саастаах болуотунньук төбөтүгэр 2 степеннээх, илиитигэр, атаҕар 3 степеннээх буһууну ылбыт, иһин 95% бырыһыанын сиэппит.

Эмсэҕэлээбит дьон оройуон киин балыыһатыгар эмтэнэр. Билигин 32 саастаах киһи олоҕор, доруобуйатыгар туох да суоһаабат буоллаҕына, 29 саастаах киһи ыарахан туруктаах сытар.

Быһылаан тахсыбыт миэстэтигэр суһал-силиэстийэлиир бөлөх тиийэн, хочуолунай-турбиннай сыаҕы көрдө, көрбүт дьону кытта кэпсэттэ, туһааннаах тэхиньиичэскэй дөкүмүөнү  ылла. Бэрэбиэркэ түмүгүнэн быһаарыы ылыллыа.

Бу туһунан Силиэстийэлиир управлениеттан иһитиннэрдилэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × 5 =

ЛЕНТА НОВОСТЕЙ