Чурапчы күнүгэр 12 миэтирэлээх торт амсайдылар

Комментарии Общество и политика

Поделиться:

НВК САХА – Үтүө үгэскэ кубулуйбут Чурапчы күнүн Чурапчы нэһилиэгин олохтоохторо сыл аайы долгуйа күүтэллэр. Тапталлаах сэлиэнньэлэрин төрөөбүт күнэ быйыл нэһилиэк баһылыгын быыбарын күнүгэр ыытылынна.

Чурапчы күнүн быйыл олохтоохтор 12-с төгүлүн бэлиэтээтилэр. Бырааһынньык маҥнайгы күнүгэр тэрилтэлэр икки ардыларыгар нэһилиэк баһылыгын кубогар мини-футбол күрэҕэ буолла.

Бырааһынньыкка 12 миэтирэлээх торду амсайдылар. Бу үтүмэн үөрүүнү дьоҥҥо-сэргэҕэ «Кулинария» 7 уопуттаах кондитера бэлэхтээтэ.

Чурапчы күнүн баттаһа, сүрэхтэрин холбообут эдэр ыаллары үөрүүлээх быһыыга-майгыга чиэстээтилэр.

Үөрүүлээх тэрээһиҥҥэ оҕолорго аналлаах уруһуй күрэҕэ, минньигэс барыанньаны амсайдылар, дьон сэҥээриитин ылбыт байдарканан устарга күрэх ыытылынна.

Онтон киэһээҥҥи өттүгэр олохтоохтор «Боотур Уус» стадиоҥҥа эстрада сулустара кыттыылаах лотореялаах кэнсиэр уонна бырааһынньыктааҕы улахан салют көрдүлэр.



Поделиться:



Добавить комментарий

Ваш e-mail не будет опубликован. Обязательные поля помечены *

15 − 4 =

ЛЕНТА НОВОСТЕЙ