Чурапчы оройуонугар Амма өрүс кутталлаах таһымҥа тиийэрэ 45 см хаалла

Комментарии Криминал и происшествие

Поделиться:

НВК САХА – Чурапчы оройуонугар Амма өрүһүн уута кутталлаах таһымҥа тиийэрэ 45 см хаалла. Бу туһунан Чурапчы уонна Таатта сиригэр үлэлиир «Таатта» 4 №дээх суһал бөлөҕө иһитиннэрэр.

«Мындаҕаайы нэһилиэгэр күнүс 12:00 чааска уу таһыма 1305 см тэҥнэстэ, оттон кутталлах таһым манна – 1350 см. Муус сэдэхтик устар. Айан суола уонна муоста ууга барда», – диэн иһитиннэриигэ суруллар.

Мындаҕаайыга 60 киһи, ол иһигэр 13 оҕо эвакуацияланна. Аймахтарынан, билэр дьоннорунан көстүлэр. Ону тэҥэ сүөһүлэрин уу ылбат сиригэр үүрбүттэрэ.

Мырыла нэһилиэнньэлээх пуунугар уу таһыма 1500 см тэҥнэстэ. Манна кутталлаах таһым – 1510 см, муус хойуутук устар.

Таатта оройуонун Даайа-Амматыгар уу таһыма – 970 см, кутталлах таһым 1200 см тэҥнэһэр. Харбалаахха уу таһыма – 925 см, кутталлаах таһым 1000 см тэҥнэһэр, муус сэдэхтик устар. Чымнаайыга таһым 1154 см тэҥнэстэ, кутталлаах таһым – 1223 см. Муус сэдэхтик устар. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

12 + 9 =

ЛЕНТА НОВОСТЕЙ